വോട്ടർ പട്ടികയുടെ പ്രത്യേക തീവ്ര പരിഷ്കരണമായ (എസ്.ഐ.ആർ.) നടപടികൾ ആരംഭിച്ച സാഹചര്യത്തിൽ, ബൂത്ത് ലെവൽ ഓഫീസർമാർ (ബി.എൽ.ഒ.) നൽകുന്ന 'എന്യൂമറേഷൻ ഫോം' എങ്ങനെ പൂരിപ്പിക്കണം എന്നതിനെക്കുറിച്ചുള്ള ലളിതമായ മാർഗ്ഗരേഖ താഴെ നൽകുന്നു. ഇത് ശ്രദ്ധയോടെ പൂരിപ്പിക്കുന്നത് വോട്ടവകാശം ഉറപ്പാക്കാൻ നിർണായകമാണ്.
♦ അടിസ്ഥാന വിവരങ്ങൾ രേഖപ്പെടുത്തുമ്പോൾ:
* ഫോമിന്റെ മുകൾ ഭാഗത്ത്, ഫോട്ടോയുടെ താഴെ, താഴെപ്പറയുന്ന വിവരങ്ങൾ വ്യക്തമായി (വലിയ അക്ഷരങ്ങളിൽ) രേഖപ്പെടുത്തുക.
* ജനന തീയതി (Date of Birth)
* ആധാർ നമ്പർ (Aadhaar Number)
* മൊബൈൽ നമ്പർ (Mobile Number)
* ബന്ധുക്കളുടെ വിവരങ്ങൾ: പിതാവിന്റെ പേര്, മാതാവിന്റെ പേര്, പങ്കാളിയുടെ പേര് എന്നിവ അതത് EPIC നമ്പറോടുകൂടി രേഖപ്പെടുത്തുക.
2️⃣ 2002-ലെ എസ്.ഐ.ആർ. പട്ടികയിൽ ഉൾപ്പെട്ടെങ്കിൽ (Case 1):
* 2002-ലെ സ്പെഷ്യൽ സമ്മറി റിവിഷൻ (SIR) പട്ടികയിൽ നിങ്ങളുടെ പേര് ഉൾപ്പെട്ടിട്ടുണ്ടെങ്കിൽ, ഫോമിന്റെ ഇടത് വശത്തുള്ള കോളം പൂരിപ്പിക്കുക.
പൂരിപ്പിക്കേണ്ട പ്രധാന വിവരങ്ങൾ:
* വോട്ടറുടെ പേര്, EPIC നമ്പർ.
* ബന്ധുവിന്റെ പേര്, ബന്ധം (Father/Mother/Husband/Wife).
* വോട്ടർ ഉൾപ്പെട്ട ജില്ല, സംസ്ഥാനം.
* നിയമസഭാ മണ്ഡലത്തിന്റെ (LAC) പേരും LAC നമ്പറും.
* വോട്ടിംഗ് പാർട്ട് നമ്പറും സീരിയൽ നമ്പറും (Sl. No.)
3️⃣ 2002-ലെ എസ്.ഐ.ആർ. പട്ടികയിൽ ഉൾപ്പെടാത്തവർ (Case 2):
* വോട്ടർ 2002-ലെ എസ്.ഐ.ആർ. പട്ടികയിൽ ഉൾപ്പെട്ടിട്ടില്ലെങ്കിൽ, ഫോമിന്റെ വലത് വശത്തുള്ള കോളം ('Relative included in 2002 SIR') പൂരിപ്പിക്കുക.
പൂരിപ്പിക്കേണ്ട പ്രധാന വിവരങ്ങൾ:
* 2002 SIR-ൽ ഉൾപ്പെട്ട ബന്ധുവിന്റെ പേര്.
* ആ ബന്ധുവിന്റെ EPIC നമ്പർ.
* ആ ബന്ധുവിന്റെ അച്ഛന്റെയോ അമ്മയുടെയോ പേര്.
* ബന്ധം (ഉദാഹരണത്തിന്: Father / Mother).
* ബന്ധു ഉൾപ്പെട്ട ജില്ല, സംസ്ഥാനം, LAC പേര്, LAC നമ്പറും പാർട്ട് നമ്പറും സീരിയൽ നമ്പറും എന്നിവ രേഖപ്പെടുത്തുക.
4️⃣ അന്തിമ പരിശോധനയും ഉറപ്പാക്കലും:
* എല്ലാ കോളങ്ങളും പൂർണ്ണമായി പൂരിപ്പിച്ച ശേഷം വോട്ടറുടെ ഒപ്പ് വാങ്ങുക.
* പൂരിപ്പിച്ച എല്ലാ വിവരങ്ങളും വ്യക്തവും ശരിയാണെന്നും, പ്രത്യേകിച്ച് EPIC നമ്പറുകൾ വോട്ടർ പട്ടികയുമായി പൊരുത്തപ്പെടുന്നുണ്ടെന്നും ഉറപ്പാക്കുക.
* ഫോമിന്റെ അവസാനം വോട്ടറുടെ ഒപ്പിനൊപ്പം ബി.എൽ.ഒ.യുടെ ഒപ്പും ഉറപ്പാക്കുക.
പൂരിപ്പിച്ച രണ്ട് ഫോമുകളിൽ ഒരെണ്ണം ബി.എൽ.ഒ. ഒപ്പിട്ട് തിരികെ നൽകും. ഇത് അപ്പീലിനുള്ള ഏക രേഖയായതിനാൽ നിർബന്ധമായും സൂക്ഷിച്ചു വെക്കുക.
ഒരു അഭിപ്രായം പോസ്റ്റ് ചെയ്യൂ